உயிர்,
உலகேழு அதிசயங்களில்
இணைக்கப்பட மறந்த
இணையில்லா அதிசயம்....
மாயைகளின் பிடியில்
உடல் சிக்கித்தவிக்க,
உடற்பையில் காற்றாய்
உந்தப்பட்டிருக்கிறது....
இப்பிறப்பில் இறைவன்
இனாமாக அருளிய உடலில்,
கடனாக நிரப்பிய காற்றே
உயிர்....
முடியின் முதிர்ச்சி ,
திரையின் தளர்ச்சி,
பற்களின் தற்கொலை,
இவையனைத்தும் ,
தவணை முடிந்துவிட்டது
கடனை திருப்பித் தா! என்று
இறைவன் இடும்
ஞாபகக் கடிதங்கள்!
உயிரே!
நீ திட திரவமற்ற
வாயுவாக இருப்பதால்தான் ,
கைக்குள் சிக்காமல்
சிறு கணத்தில்
ஒரு பிணத்தை வீழ்த்துகிறாய்,
இம்மண்ணில்.....!
இவ்வம்பரத்தில் ஜீவிக்கும்
ஜீவிகளுக்கெல்லாம் நீ
ஜீவனாம்சம் வழங்காவிடில்
எல்லாப் பெயர்களும்
ரணமாகிப் பிணமாகும்
உன்னால்!!!
Nandri : Nanbar – Mr. Murali and Eluthiya Nanbarukku
0 comments:
Post a Comment